версия для печати
Размер шрифта
+
Фото
Печать

Чалавека ў вышуку затрымалі разам з яблыкамі

Кантрабандныя яблыкі трапляюць пад арышт на тэрыторыі Магілёўскай вобласці не першы раз. Здзіўляе, што гэтыя выпадкі паўтараюцца на зайздрасць рэгулярна.

На гэты раз дзве фуры з 40 тонамі польскіх яблыкаў на «борце» былі затрыманы мытнікамі і супрацоўнікамі міліцыі ў Краснапольскім раёне. Таварасуправаджальныя дакументы, якія прад'явілі кіроўцы, аказаліся несапраўднымі, удакладнілі ў Магілёўскай мытні. Нечаканым стала тое, што тавар суправаджаў грамадзянін Расійскай Федэрацыі, які... знаходзіцца ў міждзяржаўным вышуку. Ён дастаўлены ў Ленінскі райаддзел унутраных спраў Магілёва для далейшага разбору. Што датычыцца яблыкаў, агульны кошт якіх склаў больш за 60 тысяч рублёў, то цяпер іх уладальніку прыйдзецца заплаціць штраф у памеры 50 % ад іх кошту. Па фактах парушэння заканадаўства Магілёўская мытня распачала адміністрацыйныя працэсы ў адпаведнасці з часткай 4 артыкула 12.17 КаАП Рэспублікі Беларусь.

Рэдакцыя РВУ “Выдавецкі дом “Звязда”
Вы можете найти эту страницу по следующему адресу:
http://www.mogilev.customs.gov.by/ru/mogilev-smi-o-nas-ru/view/chalaveka-u-vyshuku-zatrymali-razam-z-jablykami-7774-2018/
© ГТК РБ При использовании информации ссылка на сайт ГТК Республики Беларусь обязательна 
Разработка и поддержка - БЕЛТА